An Bratach Glas

Dia Daoibh! Aoibhinn agus Sinéad ó rang a ceathair anseo. Táimid ar Choiste an Bhratach Glas i mbliana. Tá gach duine i Scoil Raifteirí ag déanamh ár ndíchill an brat glas a ghnóthachtáil don scoil arís i mbliana.Seo cuntas go dáta ar na nithe atá ar siúl againn.
Déanaimid iarracht na seomraí ranga agus clós na scoile a choinneáil deas glan agus néata agus tá an-bhéim ar an athchúrsáil a dhéanamh ar gach sórt ábhair.Tá trí chinéal bosca bruscair againn, ceann i gcomhair páipéir, ceann i gcomhair craicne torthaí agus ceann eile i gcomhair gnáthbhruscair.Tá rang a cúig freagrach as an múirín. Tar éis an lóin chuile lá bailíonn siad na craicne torthaí agus malaí tae agus cuireann said gach rud i mbosca bruscair speisialta ar chúl na scoile. Is féidir linn an múirin a usáid mar aoileach ar ár bplandaí agus glasraí.
Tugann gach páiste bosca loin ar scoil. Is féidir linn an bosca loin a athusáid arís is arís. Taobh amuigh de é sin, tugann chuile duine a chuid fuílligh féin - arán, cartáin, clúdacha páipéir, clúdacha plaisteacha srl abhaile, le cur sa bhosca bruscair agus le hathchúrsáil. Táimid coinsiasa faoi fuinneamh sa scoil agus déanaimid iarracht go bhfuil gach ríomhaire, téitheoir agus solas múchta, agus gach fuinneog agus doras dúnta.Mar gheall ar é seo is beag bruscair a bhíonn sa scoil agus is beag costas a bhíonn ar an scoil.
Chomh maith leis é seo, tá gach rang ag staidéar faoin domhan agus an timpeallacht atá thart timpeall orainn. Caithfidh muid meas agus grá a thabhairt dó. Cuimhnigh! Ár Domhan, Ár mBaile!
Thaitneodh sé thar cionn linn an brat glas a gnóthachtáil.Má leanaimid ar aghaidh leis an obair crua agus meon dearfach, éireóidh linn an brat glas a ghnóthachtáil i mbliana. Go raibh mile maith agaibh uileag.Coinnigí orainn leis an dea-obair.